COMEZAN OS CASTINGS PARA ELIXIR OS CANDIDATOS
PARA PARTICIPAR EN TOP MODEL AREA CENTRAL 2008 |
 |
Santiago, 6 de marzo de 2008 - Discotecas
e pubs de Melide, A Coruña, Ordes e Vigo xa están
acollendo probas de selección para concursar na sétima
edición de Top Model Area Central. Todos os mozos
e mozas poden participar nesta nova edición deste
concurso que serve para elixir aos dous mozos que serán
a imaxe de Area Central ao longo dun ano. |
PETE SEIJO, PRIMEIRO FINALISTA DE TOP MODEL
AREA CENTRAL 2007, DESFILOU EN BURGOS TRAS O SEU PASO POR
CIBELES |
 |
Santiago, 5 de marzo de 2008 - Pete
Seijo, primeiro finalista do concurso Top Model Area Central
de 2007 vén de participar como modelo da axencia
Dolores Couceiro na prestixiosa Pasarela CYL de Burgos.
Este novo traballo como modelo chégalle despois de
ter desfilado na pasarela Cibeles deste ano con prendas
da diseñadora María Lafuente. |
DE PRIMEIROS FINALISTAS EN TOP MODEL AREA
CENTRAL Á PASARELA CIBELES DESTE ANO |
 |
Santiago, 14 de febreiro de 2008 –
Hugo Gómez, segundo clasificado en Top Model Area
Central en 2006, e Pete Seijo, que soamente foi superado
por Pietro Ditano na edición do pasado ano, desfilarán
na pasarela Cibeles deste ano con roupa da modista María
Lafuente. Con esta participación nunhas das pasarelas
de moda máis importantes de España, os dous
concursantes de Top Model continúan a súa
carreira de modelaxe comezada en Area Central. |
O CONCURSO TOP MODEL AREA CENTRAL, MELLOR
INICIATIVA DE 2007 |
 |
Santiago, 28 de xaneiro de 2008
– O certame de modelos Top Model Area Central resultou
elexido a semana pasada como a mellor iniciativa de 2007
nunha enquisa realizada polo xornal gratuito de Compostela,
Santiago Siete. O certame de moda acadou un 32,6 por cento
das votacións dos lectores desta publicación,
diante do simposio Pobre Mundo Rico, a implantación
de serenos no Ensanche e de Expo Vivenda Milladoiro. Con
este premio, Top Model reafirma a súa gran acollida
e prestixio entre os habitantes de Santiago de Compostela.
|
NOELIA BARREIRO, REPRESENTANTE DE A CORUÑA
PARA O CONCURSO DE BELEZA DE MISS ESPAÑA |
 |
Santiago, 8 de xaneiro de 2008 –
A estudiante de 21 anos, Noelia Barreiro, natural de Santiago
de Compostela, resultou elixida a pasada semana como representante
da provincia de A Coruña para o concurso de beleza
de Miss España, que se celebrará nos vindeiros
meses. Noelia Barreiro participiou en dúas ocasións
no concurso de Top Model Area Central, chegando a quedar
en segunda posición na edición do 2005.
|