|
Santiago, 27 de abril de 2009 - A moza de 20 anos e natural de Vilagarcía de Arousa, Kelly Briones, e o santiagués de 30 anos, Óscar Carbajales, proclamáronse vencedores do concurso Top Model Area Central 2009 este sábado 25 de abril na pasarela do complexo comercial, o que lles converte na nova imaxe de Area Central durante un ano para as campañas de rebaixas e do propio certame de moda.
Kelly Briones e Óscar Carbajales sustitúen aos gañadores de 2008, Lucía Espiño e Rudy Lamas, quen lles entregaron persoalmente o relevo na final dun desfile no que os centos de persoas que se congregaron no escenario principal de Area Central poideron admirar aos 36 finalistas do concurso mentres daban a coñecer a roupa e complementos da nova tempada primavera-verán de Alcampo, Toxo e Surf Factory, ademais da roupa de baño e lencería de Alcampo Interior e Mercería Carmen.
O xurado, composto por directivos do complexo comercial e da axencia organizadora Multimedia Ideas, representantes de diferentes medios de comunicación e as modelos Dolores Couceiro e Esmeralda Martín, elixiu ademais como primeiros finalistas a Teresa Bouza, de 18 anos e procedente de Ames, e ao mozo de Vigo de 21 anos, Tarek Rodríguez. Ao igual que os gañadores e os primeiros finalistas, Noelia Fonseca e Juan González realizarán un book fotográfico e recibirán un curso de modelaxe na prestixiosa axencia de modelos Dolores Couceiro como vencedores do premio áccesit que ela mesma concede.
A gran gala final, conducida por Álvaro Veiga, contou coa participación dun total de 36 concursantes (22 chicas e 14 chicos) procedentes de diferentes puntos de Galicia, así como de Asturias e León. Ademais, a artista Débora Silva amenizou a gala con varias das súas cancións.
A final de Top Model Area Central contou cun amplo seguemento, reunindo a centos de persoas nos corredores da planta baixa e da planta primeira do centro comercial. Un ano máis, Area Central contou coa inestimable colaboración de Coca-Cola e do Hotel Balneario Compostela, que agasallou á parella gañadora e aos primeiros finalistas cun tratamento completo de beleza. |
