|
Santiago, 5 de maio de 2008 - A final da sétima edición de Top Model Area Central, que se celebra este sábado 10 de maio, recibirá como membro estrela do xurado á xornalista e colaboradora de televisión Lydia Lozano, que axudará a elixir os dous mozos que se convertirán na imaxe de Area Central durante un ano.
Dentro dunha espectacular gala, que comezará este sábado ás 20:00 horas, os concursantes finalistas irán desfilando pola pasarela do escenario principal de Area Central, ao mesmo tempo que dan a coñecer as propostas para a nova tempada primavera-verán dos establecementos do complexo comercial Araújo Piel, Toxo, Base: Centro Deportivo e Don Vaquero.
No transcurso deste último desfile, os integrantes do xurado, entre eles a famosa xornalista, varios representantes de Area Central e da axencia de publicidade organizadora do evento Multimedia Ideas, ademais da modelo Dolores Couceiro e profesionais de medios de comunicación, darán a coñecer os nomes dos parella gañadora que sucederán aos vencederos de Top Model Area Central 2007, Sandra González e Pietro Ditano.
|
