|
-Obxectivos
-Probas de selección e desfiles
-A gala final
-Gañadores e outros concursantes
-O xurado
Obxectivos
O concurso de moda TOP MODEL AREA CENTRAL naceu no ano 2002 cun triple obxectivo que cumprir:
1º - Busca dos dous rostros que
serán a imaxe durante un ano das campañas
de publicidade de rebaixas e do propio
concurso de Area Central. Anteriormente
esta función cumpríaa as modelos profesionais
Sofía Mazagatos e Esther Arroyo, que deron
paso a homes e mulleres descoñecidos cun gran potencial que precisaban un empuxón
no mundo das pasarelas, da fotografía e da imaxe.
2º - Dar unha oportunidade aos rapaces interesados
no mundo da moda para darse a coñecer
nun lugar como Galicia, no que escasean
os certames deste estilo onde poder descubrir novas caras das pasarelas. Lonxe dos requisitos que outros
concursos buscan entre os candidatos, corpos
esculturais e exuberantes, Top
Model Area
Central busca e valora nos participantes outras
calidades, como estilo, personalidade
e simpatía.
3º - Os establecementos de Area Central amosan as súas novidades e últimas tendencias
en moda e complementos para a tempada
primavera-verán. Por iso, os mozos
e mozas que participan nos desfiles van vestidos cos traxes
cedidos polos propios establecementos
que conforman Area Central.
Baixo estas premisas naceu
TOP MODEL AREA CENTRAL na primavera
do 2002. Dende entón, abril e maio son os meses da moda en Santiago de Compostela.
Probas
de selección e desfiles
O interese por este concurso entre os mozos fíxose patente xa dende a celebración da primeira
edición, que contou cunha
importante cantidade de participantes,
cifra que edición tras edición non fixo
máis que aumentar ata superar o medio
millar de xoves inscritos nos castings
que serven para seleccionar aos
participantes que desfilarán na pasarela de Area Central. A día
de hoxe, TOP MODEL AREA CENTRAL está
consolidado como o máis importante concurso
de modelaxe que promove unha entidade privada das características
de Area Central.
A partires do terceiro
ano, no 2004, as probas de selección trasladáronse
a discotecas e pubs de varias cidades
galegas, como A Coruña, Ordes
ou Vigo; sinal de que este concurso
ten superado as barreiras locais
ao acadar un interese e unha repercusión máis alá de Santiago e contar todas as edicións
con concursantes das catro provincias
galegas.
Tras as probas de selección en diferentes cidades galegas, o período dos castings péchase co derradeiro deles
que sempre se celebra nas
propias instalacións de Area
Central. Esas probas de selección serven
para escoller arredor dos 80 concursantes
que desfilarán pola pasarela de Area Central coas prendas e complementos
cedidos polos establecementos do centro
comercial.
Cabe subliñar o gran esforzo económico e loxístico que
realiza a organización do concurso para levar a cabo cada edición.
Para iso, conta ademais
cunha destacada axuda
por parte de entidades colaboradoras: a axencia
de modelos Dolores
Couceiro e a axencia de comunicación integral Multimedia
Ideas. Por outra banda, medios
de comunicación de todos os ámbitos (prensa, radio e televisión)
fanse eco, a través de entrevistas e
reportaxes, de cada un dos desfiles
e, especialmente, da gala final do evento, a cal chega
a congregar preto de dous
mil persoas que a seguen
en directo en Area Central. Ademais,
na semana previa á gala final, varias
emisoras de radio trasládanse a Area
Central para emitir algúns dos seus
programas, nos que o concurso TOP MODEL AREA CENTRAL convértese
no eixe central e protagonista do espazo
radiofónico.
Gañadores e outros concursantes
Ana Múgica e David Brea
foron os gañadores da primeira edición de TOP MODEL AREA CENTRAL, conseguindo un book fotográfico
e un curso de modelaxe na
axencia de modelos Dolores Couceiro,
e comezando aí
a súa carreira no mundo da imaxe, pasarela e fotografía, ao
igual que o resto dos gañadores das
seguintes edicións deste certame.
Outros concursantes, a pesar de non gañar o certame, comezaron en Area Central a súa próspera carreira no mundo da
imaxe e das pasarelas, o que demostra
as posibilidades reais que este certame brinda aos seus participantes. Entre eles, está Noelia Barreiro,
finalista na cuarta edición de Top
Model e participante en Linda de España
2005, representando a provincia de A Coruña. En 2008 participará
en Miss España como representante da mesma
provincia; ou Xosé
Francisco Rodríguez, segundo clasificado en 2005 e representante
de Ourense en Míster España 2007.
Tamén Hugo Gómez, que tras ser segundo
clasificado en TOP MODEL AREA CENTRAL no 2006, resultou
elixido primeiro
finalista no concurso de Míster España
2007 representando a provincia de A Coruña.
Entre os concursantes do 2007, cabe destacar a carreira
de Danisa Barca, que pasou
de ser segunda clasificada en Top Model Area
Central a representante galega na
final do certame Pelo Pantene
e, en especial a de Paola Ditano,
finalista en 2007 e irmá do vencedor do certame
dese mesmo ano, quen participou no concurso de cadea estatal Cuatro “Supermodelo”. O finalista do 2007, Pete
Seijo, desfilou
na pasada edición da pasarela Cibeles en Madrid coa modista María Lafuente.
Relación dos gañadores do concurso
Top Model
Area Central:
Edición
2002: Ana Múgica
David
Brea
Edición
2003: María Mera
Eugenio
Bravo
Edición
2004: Cristina Mos
Pablo
Liñares
Edición
2005: Susana Saqués
Miguel
López
Edición
2006: Casandra López
Miguel
Castro
Edición
2007: Sandra González
Pietro Ditano
A
gala final
O desfile final celébrase dentro
dunha gran gala que conta coa asistencia dos principais medios
de comunicación galegos máis
importantes. Televisións, radios, xornais
e magazines acuden ao que xa
é unha das grandes citas da pasarela
do noroeste español. A presenza de expertos
no mundo da moda e da pasarela, persoas
do mundo do cuore e participantes
e gañadores de anteriores edicións fan que se respire glamour durante todo ese día en
Area Central. Centos
de persoas agólpanse dende primeira hora da tarde para
conseguir unha boa localización coa
finalidade de poder ver a gala final,
composta ademais por actuacións musicais e espectáculos
varios.
Os
gañadores acabarán o certame cunha campaña de publicidade debaixo dos brazos, converténdose
en imaxe do centro comercial e do propio
concurso durante un ano. A súa imaxe
incluirase na
cartelería do centro comercial, en varios mupis do centro da cidade de Santiago
e anuncios en prensa nas campañas de
rebaixas de inverno e verán de Area
Central.
Todos os mozos e mozas finalistas disfrutan
dunha xornada
inesquecible que ten o seu broche
final no cocktail privado que se fai
ao remate do concurso coa
presenza de medios, personalidades e outros
invitados.
O
xurado
Tanto nos desfiles como na gala final, o xurado está composto por membros directivos
de Area Central, da axencia
de comunicación Multimedia Ideas e a axencia
de modelos representada pola directora
Dolores Couceiro e por representantes dos principais
medios de comunicación de Santiago de Compostela. Ademais,
dende a edición de 2005 a organización
optou por elixir como un dos integrantes do xurado da gala final a unha personaxe coñecida do mundo da televisión
e do corazón.
|
