1.- Poderán participar no concurso TOP MODEL AREA CENTRAL todas as persoas que o desexen excluíndo empregados do propio Centro Comercial ou persoal de servizos contratados por un longo período. A idade mínima para participar é de 16 anos, cumpridos dentro do ano correspondente a edición do certame (do 1 de xaneiro ao 31 de decembro de 2008, ámbolos dous incluídos).Os menores de idade precisarán autorización expresa por escrito asinada polos seus pais, titores ou representantes legais.

2.- En ningún caso poderán participar as persoas que desempeñen ou desempeñaran anteriormente algún traballo profesional como modelos de pasarela, fotografía ou similar.

3.- Cada participante deberá presentarse aos castings que a organización considere necesarios para a selección e facilitar canta información sexa requirida para a súa participación, con datos exactos e vixentes.

4.- O xurado do certame resérvase o dereito a eliminar a aqueles participantes que non considere aptos para cumprir co fin do concurso, que será atopar a imaxe de moda do CENTRO COMERCIAL AREA CENTRAL para o período dun ano; podendo resultar o fallo final deserto de non acadarse dita aptitude por ningún dos participantes.

5.- A participación no presente concurso será gratuíta tanto para os participantes como para o Centro Comercial, de xeito que:
a)a participación no supón carga económica algunha para os participantes e non impón ni condiciona a adquisición de ningunha clase de produtos ou servizos.
b)Os/as gañadores/as non percibirán remuneración de ningún tipo pola cesión da súa imaxe nas campañas que se realicen para o Centro Comercial.

6.- O xurado estará composto polos membros que o Centro Comercial Area Central designe, podendo variar os mesmos en cada desfile eliminatorio ou en calquera das fases do concurso.

7.- Os participantes serán votados polo xurado a través da súa participación nos desfiles previos á Gala Final, na que intervirán exclusivamente os máis votados nos desfiles eliminatorios anteriores.

8.- Os/as gañadores/as conseguirán ser a imaxe do Centro Comercial Area Central para as campañas publicitarias que se realicen durante o período dun ano nos soportes e medios que a organización teña previstos.

9.- O fallo do xurado será inapelable.

10.- As imaxes ou fotografías dos participantes tomadas ao longo da totalidade das fases do certame poderán ser utilizadas en medios de comunicación para a promoción do evento e do propio Centro Comercial Area Central.

11.- A participación no certame, incluídas as súas probas de selección, implica a aceptación implícita das bases do concurso.

12.- A Organización resérvase o dereito a solucionar calquera conflito que puidera derivar da interpretación das mesmas.

protección de datos